كيف نتحقق من أكواد الخصم؟
أغلب مواقع الكوبونات تكتب «مجرب» و«فعال 100%» على كل كود، بدون ما تقول لك من وين جابت الكود ولا متى فحصته. هذي الصفحة تشرح بالضبط كيف يشتغل كود الجمل، عشان تعرف وش تصدق فيه ووش لا.
من وين نجيب الأكواد؟
من شبكة التسويق الرسمية اللي تتعامل معها المتاجر نفسها. المتجر يصدر الكود مع شروطه وتاريخ انتهائه، والشبكة توصله لنا مباشرة. ما ننسخ أكواد من مواقع ثانية، وما ننشر كودًا ما نعرف مصدره.
كل كم نفحص؟
على حسب مصدر الكود. الأكواد اللي تجينا من شبكات التسويق تتزامن آليًا كل 30 دقيقة، ووقت الفحص عليها يتحدث مع كل مزامنة. والأكواد اللي تعطينا إياها المتاجر مباشرة ما لها مزامنة آلية، فنفحصها بأنفسنا في سلة المتجر بشكل دوري، ووقت آخر فحص مكتوب على الكود بصدق حتى لو صار له أيام. إذا شفت «آخر فحص قبل ساعة» فهذا يعني أن الكود كان شغالًا قبل ساعة فعلًا.
ليش ما تشوف عندنا عدادات استخدام؟
لأن أغلب العدادات اللي تشوفها في مواقع الكوبونات أرقام ثابتة مكتوبة في القالب: «177 شخص استخدم الكود اليوم» تظل 177 مهما رجعت للصفحة. إحنا نعرض تقييمات «اشتغل / ما اشتغل» من مستخدمين حقيقيين، وما نعرضها أصلًا إلا إذا وصلت 3 تجارب فأكثر. إذا ما شفت رقمًا، فمعناه ما فيه بيانات كافية بعد، مو إننا نخفيها.
وش نسوي بالكود الميت؟
الكود اللي تنتهي صلاحيته في الشبكة ينتقل تلقائيًا لقسم الأكواد المنتهية: يتعلّم بوضوح، يفقد زر النسخ، وبعد فترة قصيرة ينحذف من الصفحة. والكود اللي تتكرر عليه تقييمات «ما اشتغل» ننزّله حتى لو الشبكة تقول إنه شغال.
وش ما نسويه أبدًا؟
- ما نكتب تقييمات نجوم من عندنا، ولا نعرض تقييمًا ما صار من مستخدمين حقيقيين.
- ما نحط عدادات استخدام وهمية ولا أرقام «تم التوفير» مبالغ فيها.
- ما نكتب نسبة خصم في عنوان الصفحة إلا إذا كانت موجودة في كود حقيقي معروض.
- أكواد كود الجمل تجي من شبكات المتاجر الرسمية مباشرة. ما ندّعي أنها من مشاهير أو من تويتر أو سناب، وإذا صار عندنا كود حصري من شريك راح نقول اسمه بالضبط.
- ما نخلي كودًا منتهيًا بزر نسخ شغال عشان نجمع ضغطات.